係二千幾年前，沒有internet，沒有Google，沒有維基百科，我們偉大的莊子已經說：吾生也有涯，而知也無涯，以有涯隨無涯，殆已。
先說少少題外話。
由於唔想撈既關係，我同匿名兩條友日日返公司正職上網，兼職斟水同去廁所，得閒先打一兩隻字。
上得最多既網，係英文維基，因為基本上搵乜都有，我睇左好英美樂隊同荷里活名星導演既資料，匿名就狂摷PSP打機既遊戲資料。
由於本機冇得上網，上網機係公家機（北韓係保安大國，金正日條粉茂驚員工輕易地「洩露國家機密」，慌唔係做得虧心事多咩，挑），幾人用一部，我地霸住部機睇維基，放晒疊紙係面前扮搵資料（當然半個鐘有一分鐘係真係搵既），係人行過都照理正路應該以為我地搵緊工作上既資料。
英文維基唔係所有項目超級詳細，但如果一個個link咁跳黎睇，都可以消磨到一個下午。
由於金正日出名係mean人（偏偏又以為待員工好好，吹脹）我會搵最detailed既維基項目print出來慢慢鑽研。
但擔心睇得多維基會盲，而且維基唔多有趣同唔夠貼身，我地轉移陣地，上「Yahoo!知識」發掘發掘。
瀏覽左一輪勞工法例、求職之類的欄目後，我們找到了基督教這一欄。
阿門。感謝上帝！
因為，我們領略到人生其中一個真理──
The span of our life is finite; the boundary of knowledge infinite. One must not pursue the infinite with the finite．
問題：上帝姓什麼？姓基督？
回答一：上帝佢係冇人姓的....（按：此為正確答案）
回答二：耶穌唔係姓基督..我諗跟佢老豆姓掛...不過唔知。冇研究過
回答三：姓耶..不過唔係叫耶穌基督..同埋任何情況下都唔可以直呼上帝的名字
回答四：上帝據聖經寫是由 聖父..聖子..聖神所組成，所以是3個物件，不會有姓示〔氏〕
回答五：你都唔識佢，梗係唔知上帝姓乜啦
只要用Google search一下，即可知道上帝的稱謂只可寫，不能讀，的確係表示不能直呼其名，上帝的稱謂源於希伯來語，「耶和華」、「耶威」或「雅威」只是輾轉相傳下來的音譯變體，所謂「上帝姓耶」，跟指出'My God'的First name是'My'一樣滑稽。Holy Shit！
「Yahoo!知識」擔著知識的旗號，實質卻和普通吹水論壇一個冇分別。完全唔明，香港好多網民在論壇問既野，其實都可以用Google搵到。在Yahoo!這個知識之海涵泳，完全有浪費光陰之嫌，即係只可以係公司赤裸裸咁進行。
等我都整個而家寫blog好懶係野既「延伸思考」先：足球比賽中，基督徒足球員可否以「假身」騙過對手？是否犯罪？
問題來源：「Yahoo!知識」
Subscribe to:
Post Comments (Atom)
No comments:
Post a Comment